“Tottenxem” klubi yarimhimoyachilar Dele Alli va Jovani Lo Chelsoni sotish haqida o‘ylamoqda.

25 yoshli Alli 2015 yilning fevralidan buyon “shporlar” safida to‘p suradi. Joriy mavsumda angliyalik yarim himoyachi 17 ta o‘yinda maydonga tushib, 2 ta gol urdi va bitta golli uzatmani amalga oshirdi.

25 yoshli Lo Chelso 2019 yil avgust oyida “Real Betis”dan “Tottenxem”ga o‘tgan. Avvaliga ingliz klubi futbolchini 16 million yevroga ijaraga olgan bo‘lsa, bir yildan so‘ng uning shartnomasini 32 million yevroga sotib oldi. Joriy mavsumda argentinalik yarimhimoyachi barcha musobaqalarda 15ta o‘yinda 1 gol urdi va 1 golli uzatma berdi. Lo Chelsoning shartnomasi 2025 yilda yakuniga etadi.