Angliyaning «Brentford» hujumchisi Ivan Touni o‘z klubiga nisbatan aytgan haqoratomuz so‘zlari uchun uzr so‘radi.

Ivanning «Brentford»ni qilgan haqoratli videosi ijtimoiy tarmoqlarda tarqalib ketganidan keyin klubi Touniga nisbatan tergov boshlagandi.

Tounining pushaymonligi uzoq kutilmadi. 25 yoshli angliyalik futbolchi allaqachon «arilar» bosh murabbiyi Tomas Frank bilan gaplashgan.

"Ijtimoiy tarmoqlarda o‘zim haqimda qo‘yilgan videodan xabarim bor. U qishki ta’tilda Dubayda dam olayotganimda suratga olingan. Nomaqbul so‘zlarni ishlatganman.

Video kesilgan va tahrirlangan, lekin men uning ta’sirini tan olishim kerak va men o‘ylamasdan harakat qilganimni tushunaman.

Men bosh murabbiyi nima bo‘lganini tushuntirdim va undan uzr so‘radim. Shuningdek, barcha "Brentford" muxlislaridan uzr so‘ramoqchiman. Barchangiz jamoani qanchalik qo‘llab-quvvatlashingizni hurmat qilaman va aytishim kerakki, klub va siz uchun o‘ynashni qanchalik yaxshi ko‘raman. Men kelasi hafta mashg‘ulotlarga qaytaman va mavsumning qolgan qismida ko‘p gol urish uchun astoydil harakat qilaman”, - deb yozdi Touni o‘zining "Tvitter"dagi rasmiy sahifasida.