Madridning “Real” klubi bosh murabbiyi Karlo Anchelotti hujumchi Karim Benzemaning jarohati sabab “Atletik Bilbao”ga qarshi Ispaniya Kubogi chorak final uchrashuvini o‘tkazib yuborishi mumkinligi haqidagi mish-mishlarga izoh berdi.
“Biz tavakkal qilmoqchi emasmiz, chunki bu Chempionlar ligasi finali emas. Agar Benzema o‘ynamasa, buni PSJ uchun saqlab qolganimiz uchun emas, balki o‘ynay olmagani uchun maydonga tushurmaymiz”, — deydi Karlo Anchelotti.
Eslatib o‘tamiz, “Atletik” va “Real” o‘rtasidagi o‘yin ertaga, 3 fevral kuni bo‘lib o‘tadi. Uchrashuv 01:30da (Toshkent vaqti bilan) boshlanadi.
