UEFA Yevropa klublarining 2020 yildagi moliyaviy ahvolini tahlil qilib chiqqach, jamoalarning  moliyaviy hisobotini e’lon qildi.

Ahamiyatli jihati shundaki, bu davrda Yevropa klublari ichida inqirozli holatlariga qaramay, eng ko‘p daromad olgan jamoa bu Kataloniyaning «Barselona» klubi bo‘lgan – 730 million yevro. 2-o‘rindan Madridning «Real» klubi joy olgan bo‘lsa, kuchli uchlikni Myunxenning «Bavariya»si yakunlab bergan.

Yana bir jihat, Rossiyaning «Zenit» klubi 214 million yevro daromad bilan kuchli yigirmatalikdan joy oldi. Bu rus klublari orasida ilk yaxshi ko‘rsatkich hisoblanadi.

Top-20dagi klublarning moliyaviy daromadlari «Leypwig», «Valenciya» hamda «Everton»ni hisobga olmaganda, 2019 yil bilan solishtirganda biroz kamaygan. Faqat shu uch jamoada daromad miqdori oshgan. Kuchli o‘ntalik bilan tanishing:

1. Barselona, Ispaniya – 730 mln yevro;
2. Real Madrid, Ispaniya – 715 mln yevro;
3. Bavariya, Germaniya – 634 mln yevro;
4. Manchester Yunayted, Angliya – 580 mln yevro;
5. PSJ, Fransiya – 560 mln yevro;
6. Liverpul, Angliya – 559 mln yevro;
7. Manchester Siti, Angliya – 553 mln yevro;
8. Chelsi, Angliya – 465 mln yevro;
9. Tottenxem, Angliya – 459 mln yevro;
10. Yuventus, Italiya – 401 mln yevro.