"Bayer" hujumchisi Serdar Azmun jamoaga qo‘shilish uchun Leverkuzenga uchib ketdi.
Nemis klubi matbuot xizmati Twitter-da 27 yoshli eronlik futbolchi bilan mahalliy ayeroportda tushgan videoni joylashtirdi.
Azmun o‘tgan oyda "Zenit"dan "Bayer"ga o‘tgan edi. Dastlab nemis klubi eronlik futbolchi bilan 2022/23 yilgi mavsumdan kuchga kirishi kerak bo‘lgan dastlabki shartnoma imzolagan bo‘lsa, keyinroq tomonlar futbolchining qishki transfer oynasida nemis klubi safiga borishini kelishib oldi.
Ma’lumot uchun, Azmun “Zenit”da 2019 yilning fevralidan buyon o‘ynab kelayotgan edi, 2021/22 yilgi mavsumda u jamoa uchun 21 o‘yinda 10 ta gol urdi va 4 ta golli uzatmani amalga oshirdi.
