"Байер" ҳужумчиси Сердар Азмун жамоага қўшилиш учун Леверкузенга учиб кетди.
Немис клуби матбуот хизмати Twitter-да 27 ёшли эронлик футболчи билан маҳаллий аеропортда тушган видеони жойлаштирди.
Азмун ўтган ойда "Зенит"дан "Байер"га ўтган эди. Дастлаб немис клуби эронлик футболчи билан 2022/23 йилги мавсумдан кучга кириши керак бўлган дастлабки шартнома имзолаган бўлса, кейинроқ томонлар футболчининг қишки трансфер ойнасида немис клуби сафига боришини келишиб олди.
Маълумот учун, Азмун “Зенит”да 2019 йилнинг февралидан буён ўйнаб келаётган эди, 2021/22 йилги мавсумда у жамоа учун 21 ўйинда 10 та гол урди ва 4 та голли узатмани амалга оширди.
