Niderlandiyada bo‘lib o‘tayotgan futzal bo‘yicha Yevropa chempionatida yarim finalning ikkinchi uchrashuvi bo‘lib o‘tdi.

Ispaniya terma jamoasi final yo‘llanmasi uchun Portugaliyaga qarshi maydonga chiqib, bahs davomida 2ta to‘p farqi bilan oldinda bordi, ammo yakunda mag‘lubiyat alamini tortdi. Ispanlar 17-soniyadayoq hisobni ochishga muvaffaq bo‘lishgan bo‘lsa, 13-daqiqada farqni ikkitaga oshirishdi.

Portugallar esa ikkinchi bo‘limda "kambek"ni amalga oshirishdi. Ular g‘alaba to‘pini uchrashuv tugashiga 79 soniya qolganida kiritishdi va finalga yo‘l olishdi.

Qit’a chempionligi uchun o‘yin Rossiya va Portugaliya o‘rtasida bo‘lib o‘tadi. Ukraina va Ispaniya esa bronza medali uchun maydonga chiqishadi.

Futzal bo‘yicha Yevropa chempionati, yarim final
Portugaliya – Ispaniya – 3:2 (0:2)
Gollar: Bruno Koelyo (29-penalti), Zikki Te (32, 39) — Raul Gomes (1), Chino (13)