Saytimiz orqali bergan xabarda Ueyn Runi yoshligidayoq o‘zida paydo bo‘lgan stressni spirtli ichimlik bilan yengib o‘tmoqchi bo‘lganini tan oldi. Aftidan, Runining yoshligidagi "erkaliklari" hozirgacha - «Derbi Kaunti» ustozi bo‘lib ishlayotgan paytda ham bezovta qilmoqda.

The Sun nashrining yozishicha, Yaqinda Ueynning turmush o‘rtog‘i Kolin uni har bir qadamini nazoratga oldi, agar Runining ish bilan bog‘liq bo‘lmagan masalalari bo‘lsa, u holda Kolin uni nazorat qilib yuradi. Do‘stlar bilan yig‘ilishlar, o‘tirishlar, toza havoda sayr qilishlar - bularni barchasini endi Runining turmush o‘rtog‘i hushyorlik bilan kuzatib borishi haqida Runilar oilasiga yaqin insonlar aytishmoqda.

- Alkogol har doim ularning oilasidagi muammolarga sabab bo‘lgan. Ueyn spirtli ichimlik iste’mol qilganida o‘zini nazorat qilishni yo‘qotadi, sodir qilish mumkinmas bo‘lgan narsalarga albatta qo‘l uradi. U mastligida juda yomon qarorlar qabul qiladi. Shu sababli, Kolin turmush o‘rtog‘ining do‘stlariga ishonmaydi. Kolin Ueynga xuddi nazoratga muhtoj bolaga qaragandek qaraydi, - Runilar oilasining do‘stlaridan birining so‘zlaridan iqtibos keltirmoqda The Sun nashri.