«Manchester Yunayted» bosh murabbiyi Ralf Rangnik yarimhimoyachi Jessi Lingard bilan hech qanday ziddiyat yo‘qligini aytdi.
29 yoshli futbolchi qishda jamoani tark etmoqchi edi, ammo klub uni saqlab qolishga qaror qildi.
«Biz oldinga intilishimiz kerak, Jessi bilan men o‘rtamizda hech qanday muammo yo‘q. Uning jamoamizda borligidan juda xursandman.
U Grinvud bilan bog‘liq vaziyat yuzaga kelguncha, uni boshqa jamoaga qo‘yib yuborishga tayyor bo‘lganligimizni biladi», dedi Rangnik matbuot anjumanida.
Lingardning shartnomasi mavsum oxirida tugaydi, shuning uchun u qishda uzoq qaror qabul qilishni istamadi. U mavsum oxirida jamoada qolishi, yoki qolmasligi haqida qaror qabul qilishini aytgan.
