«Манчестер Юнайтед» бош мураббийи Ральф Рангник яримҳимоячи Жесси Лингард билан ҳеч қандай зиддият йўқлигини айтди.

29 ёшли футболчи қишда жамоани тарк этмоқчи эди, аммо клуб уни сақлаб қолишга қарор қилди.

«Биз олдинга интилишимиз керак, Жесси билан мен ўртамизда ҳеч қандай муаммо йўқ. Унинг жамоамизда борлигидан жуда хурсандман.

У Гринвуд билан боғлиқ вазият юзага келгунча, уни бошқа жамоага қўйиб юборишга тайёр бўлганлигимизни билади», деди Рангник матбуот анжуманида.

Лингарднинг шартномаси мавсум охирида тугайди, шунинг учун у қишда узоқ қарор қабул қилишни истамади. У мавсум охирида жамоада қолиши, ёки қолмаслиги ҳақида қарор қабул қилишини айтган.