"Lester" bosh murabbiy sifatida Jennaro Gattuzo variantini ko‘rib chiqmoqda, deb xabar beradi Daily Record Calciomercato nashriga tayanib.

Manba bergan xabarga ko‘ra, ingliz klubi rahbariyati 49 yoshli shimoliy irlandiyalik mutaxassis boshchiligidagi jamoa natijalaridan norozi va mutaxassisni istefoga chiqarish imkoniyatini ko‘rib chiqmoqda.

Rojers 2019 yilning fevralidan beri “Lester Siti”ni boshqarib kelmoqda. Jamoa 20 o‘yindan keyin 26 ochko to‘plagan holda Premer-liga turnir jadvalida 11-o‘rinda bormoqda. Shuningdek, “tulkilar” Angliya kubogi 1/16 finalida “Nottingem Forest”ga (1:4), Angliya Liga kubogi 1/4 finalida “Liverpul”ga (3:3; 4:5 – penaltilar bo‘yicha) yutqazib, turnirlardan chiqib ketdi.