"Manchester Siti" so‘nggi 19 o‘yinning 17 tasida g‘alaba qozongan, ammo Pep Gvardiola uning jamoasini dunyoning eng yaxshisi deb hisoblamaydi.

“Yo‘q, biz dunyoning eng yaxshi jamoasi emasmiz. Eng yaxshi jamoa Chempionlar ligasida g‘olib chiqqan "Chelsi". Muhimi, uch kundan keyin “Norvich”ga qarshi o‘yinimiz bor. Biz bu o‘yinda g‘alaba qozonishimiz kerak. Va kim eng zo‘r, menga farqi yo‘q.

Biz yaxshi holatdamiz. Biz kelasi mavsum uchun Chempionlar ligasi yo‘llanmasini qo‘lga kiritishimiz kerak - bu eng muhimi. Keyin esa chempionlik uchun kurash haqida o‘ylash mumkin bo‘ladi", - dedi Gvardiola.

“Manchester Siti” Angliyaning amaldagi chempioni hisoblanadi.