"Yuventus" bosh murabbiyi Massimiliano Allegri Italiya chempionatining 25-turi doirasida "Atalanta"ga qarshi o‘yin oldidan fikrlari bilan o‘rtoqlashdi.
"To‘rtinchi o‘rin uchun kurashda to‘g‘ridan-to‘g‘ri to‘qnash kelishimiz kutilmoqda. Bu muhim, ammo hal qiluvchi emas. Bu yaxshi o‘yin bo‘ladi. "Atalanta" kuchli to‘rtlikdan joy uchun kurashishga loyiq. Biz o‘yinni yuqori saviyada o‘tkazishimiz kerak”, - deya Allegrining so‘zlarini keltiradi Football Italia.
Allegri qishki transfer oynasida "Fiorentina"dan Turin klubiga ko‘chib o‘tgan jamoaning yangi futbolchisi Dushan Vlaxovich haqida ham gapirdi.
