"Ювентус" бош мураббийи Массимилиано Аллегри Италия чемпионатининг 25-тури доирасида "Аталанта"га қарши ўйин олдидан фикрлари билан ўртоқлашди.
"Тўртинчи ўрин учун курашда тўғридан-тўғри тўқнаш келишимиз кутилмоқда. Бу муҳим, аммо ҳал қилувчи эмас. Бу яхши ўйин бўлади. "Аталанта" кучли тўртликдан жой учун курашишга лойиқ. Биз ўйинни юқори савияда ўтказишимиз керак”, - дея Аллегрининг сўзларини келтиради Football Italia.
Аллегри қишки трансфер ойнасида "Фиорентина"дан Турин клубига кўчиб ўтган жамоанинг янги футболчиси Душан Влахович ҳақида ҳам гапирди.
