«PSJ» bosh murabbiyi Maurisio Pochettino Neymarning Chempionlar ligasi 1/8 finalidan o‘rin olgan «Real»ga qarshi 15 fevral kuni bo‘lib o‘tadigan o‘yinda ishtirok etishi mumkinligi haqidagi savolga javob berdi. Braziliyalik futbolchi jarohatidan forig‘ bo‘lmoqda.
— Neymar seshanba kuni maydonga tushadimi? Biz bilmaymiz. Ertaga bu haqida qaror qabul qilamiz. Uning ro‘yxatga kirishi ham mumkin. Umid qilamanki, shunday bo‘ladi va u hech bo‘lmaganda zaxirada o‘tiradi. Uning tiklanish jarayoni juda yaxshi ketmoqda.
Neymar 28-noyabrdan beri «PSJ» tarkibida o‘ynamayapti.
