Turinning “Yuventus” klubi bosh murabbiyi Massimiliano Allegri A seriyaning 24-turi doirasida “Atalanta”ga qarshi o‘yindagi durang (1:1) haqida fikr bildirdi.

"Bunday yaxshi o‘yin bilan mag‘lub bo‘lish umidsizlik bo‘lardi. Imkoniyatlardan foydalana olmaslikda va oxirgi pasda xatolarga yo‘l qo‘ydik. Tanaffusdan oldin to‘pni osonlikcha yo‘qotib qo‘yganimizda juda jaxlim chiqdi.

Ikkinchi bo‘limda biz yaxshiroq o‘ynadik, ammo gol urish kerak bo‘lganda, biz noaniq pas berdik. Qarshi hujumda Malinovskiy jarima ishlab, dahshatli gol urdi, ammo bizning gol ham yaxshi bo‘ldi.

"Atalanta" juda tajovuzkor jamoa, shuning uchun biz to‘p bilan tezroq ishlashimiz kerak edi. “Atalanta” kuchli ekanini bilardik, shu bois mag‘lubiyatsiz seriyani uzaytirganimizdan xursandmiz”, — dedi italiyalik mutaxassis.