Taxminan bir hafta oldin Ispaniya matbuotida «Real Madrid» «Arsenal» va Shotlandiya terma jamoasining chap qanot himoyachisi Kiran Tirnini o‘z safiga qo‘shib olmoqchiligi xabarlar tarqalgan edi. «Qaymoqranglilar» Marseloning ketishi va Ferlan Mendining jarohatlari tufayli ushbu futbolchi nomzodini ko‘rib chiqayotgani aytilgan edi.

Biroz vaqt o‘tgach, bu mish-mishlarning tasdig‘i topdi. Daily Star nashri xabariga ko‘ra, «Real Madrid» bosh murabbiyi Karlo Anchelotti shaxsan Tirni xizmatlariga qiziqish bildirmoqda.

Shotlandiyalikning transfer narxi 32 million yevroga baholanmoqda. 24 yoshli futbolchi joriy mavsumda «Arsenal» safida barcha turnirlar doirasida 19 ta o‘yinda maydonga tushib, 1 ta gol va 3 ta golli uzatmaga mualliflik qilgan.