«Manchester Yunayted» klubining sobiq ijrochi direktori Martin Edvards Erik Kantonaning transfer tarixini so‘zlab berdi.
"Mankunianliklar" Kantonaning transferi uchun 1 million funt to‘lagan edi, lekin «Lids» rahbariyati o‘z futbolchisini 1,6 million funtga sotganini e’lon qilgandi. Narxning baland qilib ko‘rsatilish orqali muxlislarni bitim foyda ekanligiga ishontirish edi. Chunki, «Lids» muxlislari Kantonani juda qattiq hurmat qilishardi va uni jamoadan ketishini xohlashmoqda.
«Men ofisda edim va menga Bill Foterbi («Lids»ning sobiq sport direktori, - muallifi) qo‘ng‘iroq qilib Denis Irvinning transferi bo‘yicha so‘radi. Men yo‘q dedim, lekin keyinchalik o‘ylab o‘tirib, shunchaki: «Kantonachi?» - dedim. Men hech qachon Kantona borasida Aleks Fergyuson bilan gaplashmaganman, lekin u Govard Uilkinson («Lids» sobiq ustozi, - muallif) bilan til topisha olmayotganini o‘qigandim. Men Aleksga qo‘ng‘iroq qildim va bu haqda aytdim. U esa: «To‘g‘ri, Kantonani tanlagan bo‘lardim» - dedi. Shundan keyin, ertasi kuni Billga qo‘ng‘iroq qildim va Kantonani olishimizni aytdim. Xuddi biz ularga yaxshilik qilayotgandekmiz! Men «Lids» rahbariyatiga muxlislarga xohlagan summangizni aytishinigiz mumkin, deganman», - dedi Edvards.
