«Inter» hujumchisi Lautaro Martinesning agenti Alexandro Kamanoning aytishicha, uning mijozi «Manchester Yunayted», «Barselona» va Yevropaning boshqa bir qator top-klublari unga qiziqish bildirayotganiga qaramay, jamoani tark etmoqchi emas.
«Lautaro Martines «Inter»ni tark etmoqchi emas, u jamoasida baxtli», - deya Kamano so‘zlarini keltirgan jurnalist Fabrisio Romano.
2021/22 yilgi mavsumda Martines «Inter» safida 33 ta o‘yinda maydonga tushib, 12 ta gol va 2 ta golli uzatmaga mualliflik qilgan. Transfermarkt portali 24 yoshli argentinalik futbolchini 80 million yevroga baholamoqda.
