Bolgariyaning Sofiya shahrida 25 fevral, juma kuni boks bo‘yicha xalqaro an’anaviy Stranja Kubogining oltinchi kungi bahslari bo‘lib o‘tdi.

-57 kg vazn toifasidagi jangda Abdumalik Halokov rossiyalik raqibi Vsevolod Shumkov qiyinchilik bilan mag‘lub etdi va finalga yo‘l oldi. Halokov finalda bolgariyalik Xavier Dias bilan bahs olib boradi.

-80 kg vazn toifasidagi Odiljon Aslonov esa yarim finalda Kromvil Kommi ustidan g‘alaba qozondi va final yo‘llanmasini qo‘lga kiritdi. O‘zbekistonlik bokschi finalda bolgariyalik Kristian Nikolovga qarshi ringga chiqadi.

-52 kg vazn toifasida Tursunoy Rahimova ukrainalik raqibiga imkoniyatni boy berib qo‘ydi va bronza medali bilan cheklandi. O‘zbekistonlik sportchi jang davomida ustunlikka erishdi, ammo hakam tomonidan 2 marta ogohlantirilgani uchun g‘alaba ukrainalik sportchiga berildi.

Bundan tashqari, Madiyor Saidrahimov (92 kg.), Mujibillo Tursunov (-63,5 kg.) va Lazizbek Mullajonov (+92 kg) qozog‘istonlik raqiblari ustidan g‘alaba qozonishdi va final yo‘llanmasini qo‘lga kiritishdi.

Shu va boshqa natijalar bilan quyida tanishing:

Erkaklar:
-51 kg: Hasanboy Do‘stmatov — Timur Kabdeshov (Qozog‘iston) 5:0;
-57 kg: Abdumalik Halokov — Vsevolod Shumkov (Rossiya) 5:0;
-80 kg: Odiljon Aslonov — Kromvil Kommi (Italiya) 4:1;
-92 kg: Madiyor Saidrahimov — Abzal Kuttibekov (Qozog‘iston) 3:2;
-63,5 kg: Mujibillo Tursunov — Abzal Serik (Qozog‘iston) 5:0;
+92 kg: Lazizbek Mullajonov — Nurlan Saparbay (Qozog‘iston) 5:0.

Ayollar:
-52 kg: Tursunoy Rahimova — Tetiana Kob (Ukraina) 1:4.