Болгариянинг София шаҳрида 25 февраль, жума куни бокс бўйича халқаро анъанавий Странжа Кубогининг олтинчи кунги баҳслари бўлиб ўтди.

-57 кг вазн тоифасидаги жангда Абдумалик Ҳалоков россиялик рақиби Всеволод Шумков қийинчилик билан мағлуб этди ва финалга йўл олди. Ҳалоков финалда болгариялик Хавиэр Диас билан баҳс олиб боради.

-80 кг вазн тоифасидаги Одилжон Аслонов эса ярим финалда Кромвил Комми устидан ғалаба қозонди ва финал йўлланмасини қўлга киритди. Ўзбекистонлик боксчи финалда болгариялик Кристиан Николовга қарши рингга чиқади.

-52 кг вазн тоифасида Турсуной Раҳимова украиналик рақибига имкониятни бой бериб қўйди ва бронза медали билан чекланди. Ўзбекистонлик спортчи жанг давомида устунликка эришди, аммо ҳакам томонидан 2 марта огоҳлантирилгани учун ғалаба украиналик спортчига берилди.

Бундан ташқари, Мадиёр Саидраҳимов (92 кг.), Мужибилло Турсунов (-63,5 кг.) ва Лазизбек Муллажонов (+92 кг) қозоғистонлик рақиблари устидан ғалаба қозонишди ва финал йўлланмасини қўлга киритишди.

Шу ва бошқа натижалар билан қуйида танишинг:

Эркаклар:
-51 кг: Ҳасанбой Дўстматов — Тимур Кабдешов (Қозоғистон) 5:0;
-57 кг: Абдумалик Ҳалоков — Всеволод Шумков (Россия) 5:0;
-80 кг: Одилжон Аслонов — Кромвил Комми (Италия) 4:1;
-92 кг: Мадиёр Саидраҳимов — Абзал Куттибеков (Қозоғистон) 3:2;
-63,5 кг: Мужибилло Турсунов — Абзал Серик (Қозоғистон) 5:0;
+92 кг: Лазизбек Муллажонов — Нурлан Сапарбай (Қозоғистон) 5:0.

Аёллар:
-52 кг: Турсуной Раҳимова — Тетиана Коб (Украина) 1:4.