«Lans» yarim himoyachisi Seko Fofana Angliya Premyer-ligasi klubiga o‘tishi mumkin.
Le10sport nashri xabariga ko‘ra, Fofana «Nyukasl»ning yozgi transfer oynasidagi asosiy maqsadi hisoblanadi. Ingliz klubi yarim himoyachini sotib olish uchun katta pul to‘lashga tayyor. Ta’kidlanishicha, Sekoga bir vaqtning o‘zida bir nechta klublar qiziqish bildirmoqda, bu esa «Lans» Fofanaga nisbatan talablarni katta qo‘yishi mumkinligini bildiradi.
26 yoshli Fofana joriy mavsumda «Lans» safida barcha turnirlarda 28 ta o‘yinda maydonga tushib, 9 ta gol va bitta golli uzatmani amalga oshirdi. Transfermarkt ma’lumotlariga ko‘ra, Fofanning transfer narxi 18 million yevroga baholanmoqda.
