«Ланс» ярим ҳимоячиси Секо Фофана Англия Премьер-лигаси клубига ўтиши мумкин.
Le10sport нашри хабарига кўра, Фофана «Ньюкасл»нинг ёзги трансфер ойнасидаги асосий мақсади ҳисобланади. Инглиз клуби ярим ҳимоячини сотиб олиш учун катта пул тўлашга тайёр. Таъкидланишича, Секога бир вақтнинг ўзида бир нечта клублар қизиқиш билдирмоқда, бу эса «Ланс» Фофанага нисбатан талабларни катта қўйиши мумкинлигини билдиради.
26 ёшли Фофана жорий мавсумда «Ланс» сафида барча турнирларда 28 та ўйинда майдонга тушиб, 9 та гол ва битта голли узатмани амалга оширди. Трансфермаркт маълумотларига кўра, Фофаннинг трансфер нархи 18 миллион еврога баҳоланмоқда.
