Rossiyaning «Gazprom» kompaniyasi endi UYEFA hamkori emas. Bu haqda FIFA matbuot xizmati xabar berdi.
- Bugun UYEFA «Gazprom» bilan barcha musobaqalarda hamkorlikni to‘xtatishga qaror qildi. Qaror darhol kuchga kiradi va barcha mavjud kelishuvlarga, jumladan, UYEFA Chempionlar Ligasi, UYEFA milliy terma jamoalari musobaqalari va UYEFA YEVRO-2024 uchun amal qiladi.
28 fevral kuni FIFA va UYEFA Rossiyaning barcha futbol klublari va jamoalarini musobaqada ishtirok etishdan chetlashtirishga qaror qilishdi.
Bu choralar FIFA Kengashi Byurosi va UYEFA Ijroiya qo‘mitasi tomonidan amalga oshirildi. Shu bilan birga, UYEFA «Spartak Moskva»ni Yevropa Ligasining pley-off bosqichidan chetlatgan.
