Россиянинг «Газпром» компанияси энди УЕФА ҳамкори эмас. Бу ҳақда ФИФА матбуот хизмати хабар берди.
- Бугун УЕФА «Газпром» билан барча мусобақаларда ҳамкорликни тўхтатишга қарор қилди. Қарор дарҳол кучга киради ва барча мавжуд келишувларга, жумладан, УЕФА Чемпионлар Лигаси, УЕФА миллий терма жамоалари мусобақалари ва УЕФА ЕВРО-2024 учун амал қилади.
28 февраль куни ФИФА ва УЕФА Россиянинг барча футбол клублари ва жамоаларини мусобақада иштирок этишдан четлаштиришга қарор қилишди.
Бу чоралар ФИФА Кенгаши Бюроси ва УЕФА Ижроия қўмитаси томонидан амалга оширилди. Шу билан бирга, УЕФА «Спартак Москва»ни Европа Лигасининг плей-офф босқичидан четлатган.
