Madridning «Real» klubi nigeriyalik «Napoli» hujumchisi Viktor Osimxenga qiziqish bildirmoqda, deya xabar beradi Football Espana nashri.
Manbaga ko‘ra, «qirollik klubi» norvegiyalik hujumchi Erling Xoland bilan shartnoma imzolay olmasa, zaxira variant sifatida nigeriyalik futbolchi nomzodni ko‘rib chiqmoqda. Biroq, Osimxenni sotib olish oson bo‘lmaydi, chunki «Napoli» uni 120 million yevroga baholagan.
23 yoshli Osimxen joriy mavsumda «Napoli» safida barcha turnirlarda 22 ta o‘yinda maydonga tushib, 11 ta gol urdi va 4 ta golga assistentlik qildi. Uning klub bilan shartnomasi 2025 yilning yoziga qadar mo‘ljallangan.
