Мадриднинг «Реал» клуби нигериялик «Наполи» ҳужумчиси Виктор Осимхенга қизиқиш билдирмоқда, дея хабар беради Football Espana нашри.
Манбага кўра, «қироллик клуби» норвегиялик ҳужумчи Эрлинг Холанд билан шартнома имзолай олмаса, захира вариант сифатида нигериялик футболчи номзодни кўриб чиқмоқда. Бироқ, Осимхенни сотиб олиш осон бўлмайди, чунки «Наполи» уни 120 миллион еврога баҳолаган.
23 ёшли Осимхен жорий мавсумда «Наполи» сафида барча турнирларда 22 та ўйинда майдонга тушиб, 11 та гол урди ва 4 та голга ассистентлик қилди. Унинг клуб билан шартномаси 2025 йилнинг ёзига қадар мўлжалланган.
