"Manchester Siti" yarim himoyachisi Bernardu Silva o‘zining klubini o‘zgartirish va Xosep Gvardiola bilan xayrlashish istagi bilan bog‘liq mavzu haqida gapirdi.

"O‘sha paytda Angliyada o‘zimni biroz yolg‘iz his qilardim va hayotimdan unchalik mamnun emas edim. Baxtsiz bo‘lganingizda esa, o‘z ishingizni baxtli bo‘lgandek bajarolmaysiz.

Men klub bilan gaplashdim, chunki bu yerdagi hayotimdan mamnun emasman va oilam bilan yaqinroq bo‘lishni xohlardim. Biroq ketish istagimning klubga hech qanday aloqasi yo‘q edi. Men "Manchester Siti"ni yaxshi ko‘raman", - deydi Silva.