«Aston Villa» bosh murabbiyi Stiven Jerrard APL doirasida «Sautgempton»ga qarshi o‘yindan so‘ng o‘z fikrlarini bildirib o‘tdi.
«Ko‘proq gol bo‘lishi mumkin edi, Freyzer Forster bo‘lmaganida besh yoki oltita gol bo‘lishi mumkin edi. Biz "quruq" o‘yinga loyiq edik. Bugun bizda jamoaviy birlik bor edi, biz qattiq mehnat qildik. Biz to‘rtta ajoyib gol urdik va ularning barchasi boshqacha edi. Meni quvontirgani o‘yinni nazorat qilganimiz bo‘ldi, menimcha, buni bizdan hech kim tortib ololmaydi.
Biz Koutinyoni formaga qaytardik va u juda yaxshi holatda. Bugun u yana "Liverpul"dagi formasiga qaytdi. U boshqa futbolchilarni ham ilhomlantirmoqda. Filning kayfiyati yaxshi bo‘lsa, u jahon darajasidagi futbolchi.
Bugun «Uotford»ga qarshi kechgan omadsiz o‘yin uchun muxlislardan qarzdor edik. Biz qilayotgan ishimiz uchun javobgarmiz”, - deydi murabbiy.
