Usmon Dembelening kelajagi noaniqligicha qolmoqda.
"Barselona" vingeri Yevropaning bir qancha top-klublari bilan aloqada bo‘lganiga qaramay, uning kelajagi borasida hali yakuniy qaror yo‘q. Fransiyalik futbolchining "Barsa"dan ketishi ham, kataloniyaliklar bilan shartnomani uzaytirishi ham mumkin, deb yozadi Telefoot jurnalisti Juliyen Meynard.
Xabar qilinishicha, “Barselona” Dembelega 2024 yilgacha mo‘ljallangan mavsumiga 8 million yevro maosh bilan shartnoma taklif qilgan. Uning klub bilan amaldagi shartnomasi yozda yakuniga etadi.
24 yoshli yarim himoyachi joriy mavsumda "ko‘k-anorranglilar" safida 16 ta o‘yinda maydonga tushib, 2 ta gol urdi va 5 ta golga assistentlik qildi.