"Aston Villa" bosh murabbiyi Stiven Jerrard jamoa yarim himoyachi Filippe Koutinyoni doimiy ravishda sotib olmoqchi ekanligini aytdi.

Goal xabariga ko‘ra, shartnomaga sotib olish varianti kiritilgan va Jerrard braziliyalik futbolchi kelajagini ham birmingemliklar bilan bog‘lashiga umid qilmoqda.

Ma’lumot uchun, Koutinyo 2022 yilning yanvarida “Barselona”dan mavsum oxirigacha ijara asosida “Aston Villa”ga o‘tgan edi.

29 yoshli yarim himoyachi joriy mavsumda APLda 7 ta o‘yinda maydonga tushib, 3 ta gol urdi va 3 ta golli uzatmani amalga oshirdi.