Italiyaning «Milan» klubi "Verona" futbolchisi Nikolo Kazale qiziqish bildirmoqda. Bu haqda Calciomercato nashri xabar tarqatmoqda.
Oldinroq yosh markaziy himoyachi «Lasio» klubining qiziqishlar doirasiga tushib qolgani haqida xabarlar tarqalgan edi.
Yanvar oyidagi transfer oynasida bir nechta klublar "Verona" jamoasiga Kazaleni sotib olish taklifini yuborishgan. Ular orasida markaziy himoyachi olishga astoydil harakat qilayotgan «Milan» ham bor edi.
Kuni kecha milanliklar "Verona"dan mumkin bo‘lgan kelishuv shartlari haqida ma’lumot so‘radi. Qayd etilishicha, Italiya grandi yosh futbolchining o‘yinini anchadan beri kuzatib kelmoqda. Yozda uning uchun haqiqiy kurash boshlanishi kutilmoqda.
