«Manchester Siti» darvozaboni Ederson Chempionlar ligasi 1/8 finalida «Sporting»ga qarshi bo‘lib o‘tadigan javob o‘yini haqida gapirdi.
“Bu qiyin turnirlar va jamoamizdan barcha futbolchilar kerak bo‘lishini juda yaxshi tushunamiz. Jamoa jismoniy va ruhiy jihatdan charchagan. O‘tgan mavsumda bizda imkoniyat bo‘lgan edi, ammo finalda mag‘lub bo‘lgandik.
Maqsadimiz har bir turnirda g‘alaba qozonish. Maqsad sari bosqichma-bosqich borish kerak. Har bir turnirning o‘ziga xos qiyinchiliklari borligini tushunamiz. Har bir o‘yinning o‘ziga xos xususiyati bor va biz qadamma-qadam olg‘a borishimiz kerak. Faqatgina kelajakda jiddiy yutuqlarga erishish mumkin», - dedi Ederson UYEFA rasmiy saytiga.
