Norvegiya terma jamoasi hujumchisi Erling Holand Jahon chempionati–2026da noyob statistik natija qayd etdi.
Opta Analyst ma’lumotiga ko‘ra, Holand ushbu mundialda to‘pga har bir tegishining 7,25 foizini golga aylantirgan. 1966 yildan buyon Jahon chempionatlarida kamida 60 marta to‘pga tekkan futbolchilar orasida hech kim bundan yuqori samaradorlik ko‘rsatkichiga erishmagan.
Avvalroq Holand Jahon chempionati 1/16 finalida Kot-d'Ivuarga qarshi bahsda g‘alaba golini kiritib, Norvegiya terma jamoasining 1/8 finalga chiqishiga katta hissa qo‘shgan edi. Uchrashuvning 86-daqiqasida urilgan gol norvegiyaliklarga 2:1 hisobidagi g‘alabani keltirgan.
Jahon chempionati 1/8 finalida Norvegiya terma jamoasi Braziliyaga qarshi maydonga tushadi.
