«Barselona» hali himoyachi Dani Alvesning kelajagi borasida bir qarorga kelmagan, deb xabar beradi AS.

Manbaning xabariga ko‘ra, Kataloniya klubi rahbariyati 38 yoshli braziliyalik bilan shartnomani joriy mavsum oxirigacha uzaytirish bo‘yicha muhokamalarni keyinga qoldirgan.

Qayd etilishicha, «Barselona» yozgi transferlar vaqtida o‘ng qanot himoyachisi pozisiyasini mustahkamlamoqchi. Klub «Chelsi» futbolchisi Sesar Aspilikueta va «Ayaks» yetakchisi Nusair Mazrauiga qiziqish bildirmoqda.

Himoyachi Serjinyo Dest ham «Barsa»da qolishi mumkin. Shunday qilib, kataloniyaliklar o‘ng qanot himoyachisi pozisiyasida yetarli futbolchi bo‘lishi mumkin.

Alves 2021/22 yilgi mavsumda «Barselona» safida 7 ta o‘yinda maydonga tushib, bitta gol va 3 ta golli uzatmaga mualliflik qilgan. Himoyachining Kataloniya klubi bilan shartnomasi 2022 yilning 30 iyuniga qadar mo‘ljallangan.