«Барселона» ҳали ҳимоячи Дани Алвеснинг келажаги борасида бир қарорга келмаган, деб хабар беради АS.

Манбанинг хабарига кўра, Каталония клуби раҳбарияти 38 ёшли бразилиялик билан шартномани жорий мавсум охиригача узайтириш бўйича муҳокамаларни кейинга қолдирган.

Қайд этилишича, «Барселона» ёзги трансферлар вақтида ўнг қанот ҳимоячиси позициясини мустаҳкамламоқчи. Клуб «Челси» футболчиси Сесар Аспиликуэта ва «Аякс» етакчиси Нусаир Мазрауига қизиқиш билдирмоқда.

Ҳимоячи Сержиньо Дест ҳам «Барса»да қолиши мумкин. Шундай қилиб, каталонияликлар ўнг қанот ҳимоячиси позициясида етарли футболчи бўлиши мумкин.

Алвес 2021/22 йилги мавсумда «Барселона» сафида 7 та ўйинда майдонга тушиб, битта гол ва 3 та голли узатмага муаллифлик қилган. Ҳимоячининг Каталония клуби билан шартномаси 2022 йилнинг 30 июнига қадар мўлжалланган.