Ertaga - 11 mart kuni «Lokomotiv» o‘z maydonida Superliga 2-tur uchrashuvini o‘tkazadi.

«Temiryo‘lchilar» Olmaliq shahrining AGMK jamoasini qabul qilishadi.

«Lokomotiv» stadionida bo‘lib o‘tadigan uchrashuv 18:30da start oladi. Shu paytgacha Toshkentda o‘tkazilgan o‘yinlarni yodga oladigan bo‘lsak, «Lokomotiv» o‘z maydonida AGMK bilan 13 marta bahs olib borgan.

Bu o‘yinlarning 11tasida «temiryo‘lchilar» g‘alaba qozonib, 2ta o‘yin durang bilan yakun topgan. To‘plar nisbati 32-9. «Loko» AGMK ustidan eng yirik g‘alabasini 2017 yil qo‘lga kiritib, 5:0 hisobida zafar quchgan.