"Roma" yarim himoyachisi Genrix Mxitaryan jamoasining Konferensiya ligasi 1/8 finali birinchi o‘yinida "Vitess" ustidan qozonilgan g‘alabasi (1:0) haqida fikr bildirdi.
“Bu yerda g‘alaba qozonish oson bo‘lmadi. Birinchi bo‘lim oxirida kiritilgan gol bizga yaxshiroq himoyalanish imkonini berdi. O‘ynash qiyin edi va maydon tufayli biz moslashishga majbur bo‘ldik.
O‘yinlar soni ko‘p bo‘lgani tufayli, doimo bir xil tempda o‘ynay olmaymiz. Jamoamiz bilan har bir uchrashuvga tayyor bo‘lishimiz va har doim qanday qilib yaxshi o‘ynash haqida o‘ylashimiz kerak", - deya Mxitaryan so‘zlaridan iqtibos keltiradi La Repubblica.
