"Рома" ярим ҳимоячиси Генрих Мхитарян жамоасининг Конференция лигаси 1/8 финали биринчи ўйинида "Витесс" устидан қозонилган ғалабаси (1:0) ҳақида фикр билдирди.
“Бу ерда ғалаба қозониш осон бўлмади. Биринчи бўлим охирида киритилган гол бизга яхшироқ ҳимояланиш имконини берди. Ўйнаш қийин эди ва майдон туфайли биз мослашишга мажбур бўлдик.
Ўйинлар сони кўп бўлгани туфайли, доимо бир хил темпда ўйнай олмаймиз. Жамоамиз билан ҳар бир учрашувга тайёр бўлишимиз ва ҳар доим қандай қилиб яхши ўйнаш ҳақида ўйлашимиз керак", - дея Мхитарян сўзларидан иқтибос келтиради La Repubblica.
