“Atalanta” hujumchisi Luis Muriel Yevropa ligasi 1/8 finali birinchi o‘yinida “Bayer” ustidan qozonilgan g‘alaba (3:2) haqida fikr bildirdi.
"Bizga muxlislar qarshisida shunday g‘alaba kerak edi - yaxshi o‘yin, ko‘plab gollar. Ikkinchi golni o‘tkazib yuborganimiz achinarli bo‘ldi. O‘yin davomida ko‘proq gol urishimiz mumkin edi, shunga qaramay muhim g‘alabaga erishdik va javob o‘yiniga ustunlik bilan yaqinlashyapmiz.
Men har doim xotirjam bo‘lishga, qattiq ishlashga va o‘z formamga qaytishga harakat qilaman. Ko‘plab mayda jarohatlar bor edi. Mavsum yakuniga qadar yana ko‘p gol urishga harakat qilmoqchiman", - deya Murielning so‘zlaridan iqtibos keltiradi Football Italia.
