“Аталанта” ҳужумчиси Луис Муриэль Европа лигаси 1/8 финали биринчи ўйинида “Байер” устидан қозонилган ғалаба (3:2) ҳақида фикр билдирди.

"Бизга мухлислар қаршисида шундай ғалаба керак эди - яхши ўйин, кўплаб голлар. Иккинчи голни ўтказиб юборганимиз ачинарли бўлди. Ўйин давомида кўпроқ гол уришимиз мумкин эди, шунга қарамай муҳим ғалабага эришдик ва жавоб ўйинига устунлик билан яқинлашяпмиз.

Мен ҳар доим хотиржам бўлишга, қаттиқ ишлашга ва ўз формамга қайтишга ҳаракат қиламан. Кўплаб майда жароҳатлар бор эди. Мавсум якунига қадар янада кўпроқ голлар уришга ҳаракат қилмоқчиман", - дея Муриэлнинг сўзларидан иқтибос келтиради Football Italia.