«ПСЖ» «Барселона» ярим ҳимоячиси Фермин Лопесни ўз сафига қўшиб олишга қизиқиш билдирмоқда.
Инсайдер Экрем Конур маълумотига кўра, каталонияликлар Париж клубининг 23 ёшли испаниялик футболчига қизиқишидан хабардор.
Фермин бош мураббий Ханс-Дитер Флик режаларида муҳим ўрин тутади. Унинг «Барселона» билан шартномаси 2031 йил ёзигача амал қилади.
Бироқ клубнинг молиявий аҳволи раҳбариятни айрим асосий футболчиларни сотиш масаласини кўриб чиқишга мажбур қилиши мумкин.
Лопес жорий мавсумда Ла Лиганинг 9 та ўйинида 4 та гол ва 3 та ассист қайд этган.
