«PSJ» hujumchisi Kilian Mbappe 2021/2022 yilgi mavsum yakunlanganidan keyin faoliyatini qayerda davom ettirish haqida qaror qabul qiladi. Bu haqda Fransiya matbuoti xabar bermoqda.
Mbappening "PSJ" bilan shartnomasi 2022 yilning yoziga qadar amal qiladi. Kilian qaror qabul qilishdan oldin klubda qanday o‘zgarishlar bo‘lishini ko‘rishni rejalashtirmoqda. Bosh murabbiy Maurisio Pochettino va sport direktori Leonardo "PSJ"ni tark etishi kutilmoqda. Agar mana shu ikki mutaxassis jamoani tark etadigan bo‘lsa, Mbappe katta ehtimol bilan parijliklar safida qolishi mumkin.
Mbappening «Real»ga o‘tish imkoniyati borligini qo‘shimcha qilamiz. «Qirollik klubi» anchadan beri "PSJ"ning yulduzini qo‘lga kiritishga harakat qilib kelmoqda.
