«ПСЖ» ҳужумчиси Килиан Мбаппе 2021/2022 йилги мавсум якунланганидан кейин фаолиятини қаерда давом эттириш ҳақида қарор қабул қилади. Бу ҳақда Франция матбуоти хабар бермоқда.
Мбаппенинг "ПСЖ" билан шартномаси 2022 йилнинг ёзига қадар амал қилади. Килиан қарор қабул қилишдан олдин клубда қандай ўзгаришлар бўлишини кўришни режалаштирмоқда. Бош мураббий Маурисио Почеттино ва спорт директори Леонардо "ПСЖ"ни тарк этиши кутилмоқда. Агар мана шу икки мутахассис жамоани тарк этадиган бўлса, Мбаппе катта эҳтимол билан парижликлар сафида қолиши мумкин.
Мбаппенинг «Реал»га ўтиш имконияти борлигини қўшимча қиламиз. «Қироллик клуби» анчадан бери "ПСЖ"нинг юлдузини қўлга киритишга ҳаракат қилиб келмоқда.
