Fransiya terma jamoasining sobiq hujumchisi Nikolas Anelka Chempionlar ligasining 1/8 finalida omadsiz uchrashuv sabab Kilian Mbappening «PSJ»da qolishiga ishonmayapti. Uning fikricha, hech shubha yo‘qki, Mbappe Parij klubidan ketadi.
- Rostini aytsam, Kilian hozir qanday qilib «PSJ»da qolishga qaror qilishini tushunmayapman. Bu mag‘lubiyat so‘nggi umidga ham nuqta qo‘ydi», - dedi o‘tmishda «Real»da o‘ynagan Anelka.
Mbappe ikki raundlik bahsda «Real» darvozasiga ikkita gol urdi, ammo bu foyda bermadi – Benzema bunga javob tariqasida uchta gol urdi va «PSJ»ning Chempionlar ligasidan chiqarib yubordi.
