"Chelsi" futbolchisi Xakim Ziyesh ikkinchi bor Marokash termasida o‘ynamasligini e’lon qildi. U yakshanba kuni o‘z Instagram sahifasida shunday yozgan:
"Men o‘z vatanimni va u uchun futbol o‘ynashni yaxshi ko‘raman. Bu men uchun doimo sharaf bo‘lgan. Bugun esa sizlarga qayg‘u bilan Marokash terma jamoasiga qaytmasligimni ma’lum qilaman. Muxlislarni xafa qilayotganim uchun afsusdaman. Sizlarning har biringiz menga qadrlisizlar. Bu qarorni qabul qilish men uchun oson kechmadi. Afsuski, menda boshqa tanlov yo‘q edi".
Avvalroq 28 yoshli hujumchini terma jamoa bosh murabbiyi Vaxid Xalilxojich bilan muammosi borligi haqida xabar qilingan edi. Shu sabab Ziyesh Afrika Millatlar kubogida ham ishtirok etmagan edi.