"Челси" футболчиси Хаким Зиеш иккинчи бор Марокаш термасида ўйнамаслигини эълон қилди. У якшанба куни ўз Instagram саҳифасида шундай ёзган:
"Мен ўз ватанимни ва у учун футбол ўйнашни яхши кўраман. Бу мен учун доимо шараф бўлган. Бугун эса сизларга қайғу билан Марокаш терма жамоасига қайтмаслигимни маълум қиламан. Мухлисларни хафа қилаётганим учун афсусдаман. Сизларнинг ҳар бирингиз менга қадрлисизлар. Бу қарорни қабул қилиш мен учун осон кечмади. Афсуски, менда бошқа танлов йўқ эди".
Аввалроқ 28 ёшли ҳужумчини терма жамоа бош мураббийи Вахид Халилхожич билан муаммоси борлиги ҳақида хабар қилинган эди. Шу сабаб Зиеш Африка Миллатлар кубогида ҳам иштирок этмаган эди.