"Manchester Yunayted" "Fiorentina"ning serbiyalik himoyachisi Nikola Milenkovichni o‘z safiga qo‘shib olmoqchi, deb yozadi taniqli insayder Nikolo Skira o‘zining Twitter sahifasida.
Jurnalistning so‘zlariga ko‘ra, ingliz klubi skauti "binafsharanglilar"ning so‘nggi o‘yinini bevosita stadionidan turib kuzatgan.
Skaut yozda himoyachining "Yunayted"ga o‘tishi mumkinligini muhokama qilishi kerak edi. Qayd etilishicha, ingliz klubi futbolchi uchun taxminan 15 million yevro to‘lashga tayyor.
Ma’lumot uchun, Milenkovich 2017 yilning iyulidan buyon “Fiorentina”da to‘p surmoqda. Uning klub bilan amaldagi shartnomasi 2022/23 yilgi mavsum oxirigacha amal qiladi.
