Bugun, 9 iyul kuni futbol bo‘yicha 2026 yilgi jahon chempionatining 1/4 final doirasida Fransiya va Marokash terma jamoalari to‘qnash kelishadi. Uchrashuvni Fakundo Telyo (Argentina) boshchiligidagi hakamlar brigadasi boshqarib boradi. O‘yin Toshkent vaqti bilan soat 23:00 da boshlanadi. «Stadion.uz» sariq kartochkalar soni oshib ketgani sababli, keyingi bosqichda diskvalifikasiya xavfi ostida qolgan Fransiya terma jamoasi o‘yinchilari ro‘yxati bilan tanishishni taklif qiladi.
Fransiyaliklar tarkibida uch nafar futbolchi diskvalifikasiya xavfi ostida: tayanch yarim himoyachisi Manu Kone, shuningdek, vingerlar Maykl Olise va Bredli Barkola. Agar Marokashga qarshi o‘yinda ushbu futbolchilardan birontasi sariq kartochka olsa, u yarim finalda maydonga tusha olmaydi.
2026 yilgi jahon chempionati 11 iyundan 19 iyulga qadar AQSH, Kanada va Meksikada bo‘lib o‘tmoqda. Amaldagi jahon chempioni — Argentina terma jamoasi. 2022 yilda Qatarda bo‘lib o‘tgan turnir finalida ular Fransiya terma jamoasini penaltilar seriyasida 4:2 (asosiy vaqt 3:3) hisobida mag‘lub etgandi.
