«Tottenxem» hujumchisi Xarri Keyn «shporlar» bosh murabbiyi Antonio Kontening ishiga yuqori baho berdi.
"2-3 yil davomida sovrinlar uchun kurashdik, ammo so‘nggi bir-ikki yilda bu kurashdan chiqib ketdik. Konte «Tottenxem»ga klub madaniyatini rivojlantirishga yordam bermoqda va bizni chempionlik uchun kurashga qaytishimizni istaydi. Premyer-ligada hamma narsa juda qattiq, ligada kuchli 4-8 o‘rinlar o‘rtasida juda nozik chiziq bor. Hamma kuchayib bormoqda, oson o‘yinlar yo‘q. Murabbiyimiz va barcha futbolchilar qo‘llaridan kelganini qilishyapti. Vaziyatni tezda tuzata olmaysiz, bu vaqt talab etadi. Albatta, Konte klub rahbariyati bilan gaplashib, jamoa qaysi yo‘nalishda rivojlanishini muhokama qilishi kerakligini ta’kidladi, ammo biz, futbolchilar, Konte haqida faqat ijobiy gapirishimiz mumkin" -dedi Keyn Sky Sports bilan suhbatda.
